هل تعبت من تجاهل صياد المخلفين لك

كثير من اللاعبين يشتكون من تجاهل الصيادين لرسائلهم وشكاواهم والبعض منهم يتهمهم بالغش والمداهنة وغير ذلك, لكن الحقيقة هي خلاف ذلك تماماً. من خلال تجربتي سأعطيكم أسباب تجاهل الصيادين لبعض الرسائل وأتمنى الفائدة للجميع. طبعاً قبل ما أعطيكم الأسباب لازم تعرفو أن الصيادين تجيهم رسايل بالهبل يعني أقل سيرفر من ناحية عدد اللاعبين توصل للصياد فيه أقل شي 200 رسالة يومياً وبكذا بتفهموا أسباب التجاهل مزبوط

أولاً: العنوان ثم العنوان:
مع كثرة الرسايل صعب ان الصياد يرد على كل الرسايل لذلك لازم تحط لك عنوان للرسالة, الرسايل بدون موضوع عادة يحذفها الصياد. خل رسالتك معنونة بـمثلاً "شكوى", "اقتراح" , "استفسار" ..الخ . ولا تسولف في العنوان يعني بعض الناس يكتب "ياخي وش الكلام هذا دمرونا " ... يكفي عنوان مفيد للرسالة ولا تخلي عنوان الرسالة السلام عليكم والا مرحبا أبداً.

ثانياً: لا تستخدم براءة الأطفال مع الصياد:
الصياد يعرف عن حسابك أكثر مما تعرفه أنت عنه, لذلك إذا وقعت في مخالفة وتم حظرك لا تسوي فيها فهلوي وفاهم لها . حاول انك تشرح للصياد خطأك واعتذر. يعني واحد عنده 15 حساب بنفس الاسم بس الفرق رقم واحد والا حرف وكلهم بايميلات متشابهه ويجي يقول للصياد هذي لاخواني .. والا بعضهم عشان محد يحسده على اخوانه يقول الجيران يجون يلعبون عندنا

ثالثاً: لا ترسل ست مية رسالة ورى بعض:
بعض اللاعبين يعتقد أن الصياد يشوف رسايله بس ما يبغى يفتحها لذلك يرسل عشر طعش رسالة ورا بعض عشان يحرج الصياد والا مش عارف ايش. الكلام هذا بيخلي الصياد تقفل معه ويمكن يصكك بعقوبة ما تنتهي منها الا والناس رحلو من السيرفر.

رابعاً: مو كل من قال لك كلمة خطأ تشتكي عليه:
يعني في كلام يستاهل ان صاحبه ينحذف من اللعبة ولو كان في الحقيقة بينضرب عليه ضرب مبرح, لكن فيه بعض اللاعبين ابلشو الصيادين بشكاواهم على السب. مثال على الرسايل اللي ما يستاهل تزعج الصياد عليها:
"اعرف مع مين تلعب يا ولد" , "لا اجي اكفخك يا ورع" , "يا حليلك صحيح أهل العقول في راحة" هذي كلها رسايل عادية وتضحك على الناس اللي يشتكون منها. حط في بالك الصياد ما يحذف العضوية إلا على سب يطال الأعراض والباقي يمكن يقفل اللاعب يوم ويرجعه فلا تزعجونهم على شي ما يستاهل. ولا تنسون دايماً انكم تحطون رابط الرسالة عشان توفرون الوقت على أنفسكم والصيادين.

خامساً: إذا أخطيت تحمل خطاك:
العقوبة اللي يحطها لك الصياد عشان ما تعود في الخطأ وعشان غيرك يعتبر فيك ويصير فيه متعة في اللعبة, مهو حاقد عليك ولا يعرفك أصلاً لذلك لا تغثه وتقول بالله رجع لي الحقول والا عب لي المخزن ريح راسك ترى اللي راح مستحيل يتعوض بس لو ازعجت الصياد من حقه يضاعف لك العقوبة ويمكن يحذف العضوية لو تلفظت عليه

هذا كل اللي أقدر أنصحكم فيه وصدقوني الصيادين متعاونين ومتفهمين بس فيه لاعبين يجيبون الصمرقع (مرض قاتل) لذلك الله يخليكم اتبعوا ذي النصايح وإن شاء الله ترتاحون باللعبة وتريحون غيركم

شكراا على النصائح وعلى تعبك ونرجوا منك الكثير

شكرا لك

شكرا على الموضوع الجميل

مشكور على المرور

شكرا على الموضوع

تسلم على مرورك

مشكووووووووووووووووور

هلا بيك

مشكووووووووووووووووووووووووووووووووووووووووووووووووووووووووووووووووووووووووووووووور

لا شكر على واجب

مشكووووور على النصيحة

هلا فيك منور

ثييييينكس موضوع يدخل العقل شكررا لييك

لا شكر على واجب يا عمري

مشكوووووووووووووووووووووووور