بسم الله الرحمن الرحيم
اخوانى واخواتى اعضاء منتدى الفيفا العربى الكرام
انا عامل الموضوع مخصوص علشان الناس ال نفسها تشارك معانا فى دورات المنتدى يارب تقدروا تستفادوا من شرحى
اول حاجة طبعا الدورة لما بتتنظم بينشا غرف للعب فيها وبيبقى ليها ياسورد وادارة المنتدى بتبعت للاعب اسم غرفة مجموعته والباس وورد ال هيخش بيه وطبعا كلنا بنلعب على شبكة البرنامج الشهير hmachi وهنا هتلاقى احدث اصدار ليه أضغط هنا للتحميل بعد ماتنزل البرنامج هتسطبه وانت بتسطبه هتقوم بالمراحل الأتية:الخطوة الأولى للسيت اب
اضغط بقى next علشان تتنقل للخطوة التانية هتعلم علامة صح زى مانا موضح فى الصورة بالظبط
الخطوة التانية بقى ال جاية دى تعمل next ومتغيرش حاجة يعنى متعلمش على حاجة زى الصورة بالظبط
الخطوة الرابعة زى ال فاتت برضه متعلمش على حاجة اعمل next بس
الخطوة الخامسة بقى هتلاقى زرار مكتوب install اضغط عليه واستنى شوية ممكن يغيب حسب سرعة الجهاز بس متقلقش هيكمل بس اصبر عليه
لما هتضغط install وتستنى عليه هتلاقى كلام بيتكتب قدامك اصبر لحد مايخلص وتطلعلك زرار next زى الصورة بالظبط اضغط بقى على next
كده ياباشا اخر حاجة هتطلعلك زرار finish اضغط عليه وكده البرنامج اتسطب اضغط finis زى الصورة كده
نيجى بقى لأهم الخطوات وهى تشغيل البرنامج وازاى هنقدر نلعب بيه ياريت بقى نركز مع بعض شوية
اول حاجة هتلاقى ايكونة زى ال فى الصورة ال جاية دى ظهرت تحت عندك جنب الساعة كده فى ال task bar يعنى هتعمل عليها double click 
هتطلعلك الرسالة ال جاية دى اضغط no وسيبك منها
ال هيفتح قدامك بقى ده شكل البرنامج وارقم ال فوق ده هو رقم ال أى بى الخاص بك على البرنامج
كده لو لاحظت فوق تحت الرقم مكتوب كلمة offline ده معناه ان البرنامج شغال بس انت مش اون لاين على شبكة ال hmachi طيب نعمل ايه هنضغط على الزرار الأحمر ال امامنا على الشمال ده ال هو زرار الباور وهيطلع يطلب منك اسمك حط لنفسك اى اسم هيظهر زى مانتوا شايفين كده تحت رقم الأى بى بتاعك كده معناه ان انت اون لاين على الشبكة دلوقتى
طيب بس انت كده لوحدك ومش هينفع تلاعب حد ليه لنك مش فى غرفة فا انت طبعا لازم تدخل غرفة من الغرف بتاعة البطولة ال انت بتلعب فيها الغرفة دى زى مانا قلت قبل كده لها يوسر وباس وورد هيتبعتولك من ادارة المنتدى لما تطلب انك تلعب فى البطولة طيب هناخد بقى اليوسر والباس وتخليهم معاك وتيجى بعد الخطوات الفاتت دى تلاقى فى البرنامج من تحت على اليمين زرارين هتضغط على ال السهم مشاور عليه فى الصورة ده وتختار الأختيار التانى من ال هيطلعلك لما تضغط على الزرار زى ماهو واضح فى الصورة
لما هتضغط الأختيار التانى ال هو join existing network هيخرج لك البروسر ده ال مطلوب تحط فيه اسم الروم فى الخانة الأولى واسم الباسورد فى الخانة التانية طبعا اليوسر والباس هيبقوا معاك لما الأدارة تبعتهم لك فى الرسائل الخاصة ولما تكتبهم اضغط الزرار ال موجود قدامك ده join
كده بقى ياجماعة خلاص دخلنا الروم هتلاقى اللاعبين ال معاك ظهرين قدامك هتلاقى منهم اسمه باللون الصفر ومنهم ال تحس كده ان لون مطفى ال باللون الأصفر ده معناه انه اون لاين ال مطفى معناه انه اوف لاين وهتلاقى كل اسم جنبه رقم الرقم ده هو الأى بى بتاعه هو زى الصورة بالظبط
كده خلاص ياجماعة دخلنا الغرفة عايزين بقى نعرف هلعب ازاى ده بقى فى الخطوات ال جاية دى بس افتح اللعبة ويلا بينا
اول حاجة افتح اللعبة وروح زى مانت شايف فى الصورة كده على game modes وخش جواها
 | هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 798x599 الابعاد 166KB. |
لما هتخش جوا ال game modes هتلاقى زى مانت شايف ىف الصورة ال جاية كلمة multiplayer خش جواها برضه
| هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 799x599 الابعاد 121KB. |
خد بالك بقى من الخطوات ال جاية دى كويس لأنها مهمة جدا اول ماهتخش هيظهرلك خانة تكتب فيها اسمك زى الصورة بالظبط
| هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 801x602 الابعاد 84KB. |
بعد ماتكتب اسمك اضغط زرار انتر فى الكيبورد عندك بعد كده هيظهر اختيارين زى ال فى الصورة ال جاية اختار الأولى direct ipوبرضه اضغط انتر فى الكيبورد
| هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 801x599 الابعاد 119KB. |
بعد كده بقى هنخش على اهم حاجة طريقة اللعب مع ال قدامك نوعين ياأما هو هوست ياأما كونكت لو انت ال هوست هيبقى الموضوع بسيط هتضغط انت على كلمة host ال قدامك فى الصورة دى وهو بقى هيكتب بياناتك عنده ويخش عليك واللعبة تشتغل على طول اما اذا قال لك انه هو ال هيبقى host هتضطر ترجع لبرنامج الهماشى تانى وتنقل رقمه بالتفصيل وتخليه معاك فى ورقه وتخش على المرحلة ال جاية دى زى الصورةهتخش على كلمة new وتدوس انتر فى الكيبورد
| هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 799x603 الابعاد 122KB. |
خلاص انت دوست على new هيظهرلك خانتين واحد لللأسم والتانية للأى بى هتضغط على خانة الأسم وتكتب اسم ال هتلاعبه وتكتب الأى بى بتاعه زى الصورة كده
| هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 797x594 الابعاد 82KB. |
بعد كده هتلاقى اسم ال انت ضيفته موجود عندك فى القائمة على اليمين زى الصورة هتعلم عليه وبعد كده تضغط كلمة conect زى الصورة كده
| هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 796x600 الابعاد 116KB. |
لما هتضغط على connect هتطلعلك رسالة زى ال فى الصورة ال جاية دى معناها ان انت كده منتظر بس دخول الاعب ال معاك هو طبعا بيكون عامل host زى ماقلت قبل كده
| هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 797x599 الابعاد 95KB. |
بعد شوية صغننة اوى هتلاقى نفسك انت وهو قدام بعض بتختاروا الفرق يلا العبوا بقى وادعولى
| هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x597 الابعاد 133KB. |
![.::[منتديات شباب كووول]::.](https://2img.net/s/t/14/02/78/i_logo.gif){kind=logo}
الإثنين ديسمبر 17, 2012 7:30 pm من طرف M.G
